حبیب جالب کی ایک نظم "دستور"

-
دستور
حبیب جالب پاکستانی انقلابی شاعر تھے۔
ان کی نظم دستور پیش کر رہا ہوں۔

دیپ جس کا محلات ہی میں جلے
چند لوگوں کی خوشیوں کو لے کر چلے
وہ جو سائے میں ہر مصلحت کے پلے
ایسے دستور کو صبح بے نور کو
میں نہیں مانتا میں نہیں جانتا
میں بھی خائف نہیں تختۂ دار سے
میں بھی منصور ہوں کہہ دو اغیار سے
کیوں ڈراتے ہو زنداں کی دیوار سے
ظلم کی بات کو جہل کی رات کو
میں نہیں مانتا میں نہیں جانتا
پھول شاخوں پہ کھلنے لگے تم کہو
جام رندوں کو ملنے لگے تم کہو
چاک سینوں کے سلنے لگے تم کہو
اس کھلے جھوٹ کو ذہن کی لوٹ کو
میں نہیں مانتا میں نہیں جانتا
تم نے لوٹا ہے صدیوں ہمارا سکوں
اب نہ ہم پر چلے گا تمہارا فسوں
چارہ گر دردمندوں کے بنتے ہو کیوں
تم نہیں چارہ گر کوئی مانے مگر
میں نہیں مانتا میں نہیں جانتا

نوٹ: یہ نظم بحر متدارک مثمن سالم میں لکھی گئی ہے۔ جس کے آہنگ " فاعلن فاعلن فاعلن فاعلن" ہیں۔

Comments

Post a Comment

Popular posts from this blog

نظم " رمز " از جون ایلیا

-
Image
رمز جون ایلیا کی نظم "رمز" ان کی کتاب "شاید" میں موجود ہے۔  تم جب آؤگی تو کھویا ہوا پاؤ گی مجھے میری تنہائی میں خوابوں کے سوا کچھ بھی نہیں میرے کمرے کو سجانے کی تمنا ہے تمہیں میرے کمرے میں کتابوں کے سوا کچھ بھی نہیں ان کتابوں نے بڑا ظلم کیا ہے مجھ پر ان میں اک رمز ہے جس رمز کا مارا ہوا ذہن مژدۂ عشرت انجام نہیں پا سکتا زندگی میں کبھی آرام نہیں پا سکتا نوٹ: اس نظم کا وزن فاعلاتن فعلاتن فعلاتن فعلن ہے۔
Read more

فاضل نظری کی غزل مع اردو ترجمہ

-
Image
هرچند حیا می‌کند از بوسه ما دوست دلتنگی ما بیشتر از دلهره اوست ہرچند میرے دوست کو میرے بوسہ سے حیا آتی ہے میرے دل کی اداسی اس کے خدشات سے کئی گنا زیادہ ہے الفت چه طلسمی است که باطل شدنی نیست اعجاز تو ای عشق نه سحر است نه جادوست محبت بھی کیا طلسم ہے کہ جس کا باطل ہونا ممکن نہیں اے عشق تیرا معجزہ ہے کہ تو سحر ہے نہ جادو ہے ای کاش شب مرگ در آغوش تو باشم زھری که بنوشم ز لب سرخ تو داروست اے کاش جس رات میری روح پرواز کرے میں تیری آغوش میں ہوں وہ زہر جو میں تیرے سرخ لبوں سے پیتا ہوں(میرے لیے) دوا ہے یک بار دگر بار سفر بستی و رفتی تا یاد بگیرم که سفر خوی پرستوست   تو نے اک بار پھر بار سفر باندھا اور چل دیا تاکہ میں ذہن نشین کر لوں ہجرت کرنا پرستو(ایک قسم کی چھوٹی چڑیا) کی جبلت میں شامل ہے۔  عمار اقبال کا شعر دیکھیں:  ہم درختوں کو کہاں آتا ہے ہجرت کرنا تم پرندے ہو وطن چھوڑ کے جا سکتے ہو از کوشش بیهودہِ خود دست کشیدم در بسترِ مُرداب چه حاجت به تکاپوست میں نے اپنی فضول کوششوں سے ہاتھ کھینچ لیا کہ دلدل میں تگ و دو کرنے کی کیا حاجت ہے (آخر کار غرق ہی ہونا ہے) فاضل نظری  جدید ایرا...
Read more

پیر پرنیان اندیش در صحبتِ سایہ اور اقبال لاہوری

-
Image
پاکستان کے فارسی گو شاعر اقبال لاہوری کے بارے میں، ہوشنگ ابتہاج سایہ اپنی کتاب پیر پرنیان اندیش کی جلد دوم ص 845 پر لکھتے ہیں:  (عظیمی اور سایہ کے درمیان مکالمہ) عظیمی : آپ اقبال لاہوری کے بارےمیں کیا رائے رکھتے ہیں؟ سایہ : شاعر برا نہیں ہے لیکن کہیں بہت اعلی لکھتا ہے تو کہیں سطحی، بس اس کی شعریات اسی پریشان حالی کا شکار ہے۔ بہت جگہوں پر اس کی فارسی زبان دانی کمزور پڑ جاتی ہے۔ خیر، وہ اہل زبان نہیں ہے۔ لیکن بعض جگہوں پر اس  نے بہت اعلی بھی لکھا ہے۔ عظیمی : مثال کے طور پر کن جگہوں پر؟ سایہ : مثلا وہ شعر کہ ھستم اگر میروم ساحل افتاده گفت گرچه بسی زیستم     هیچ نه معلوم گشت آه که من کیستم موج زخود رفته‌ای تیز خرامید و گفت     هستم اگر می‌روم گر نروم نیستم یا یہ شعر بہت عجیب و غریب ہے۔  ما زنده برآنیم که آرام نگیریم موجیم که آسودگی ما عدم ماست یا وہ عزل کہ خود گری، خود شکنی،خود نگری۔۔۔۔۔ بہترین غزل ہے۔ نعره زد عشق که خونین‌جگری پیدا شد حسن لرزید که صاحب‌نظری پیدا شد فطرت آشفت که از خاک جهان مجبور خودگری خودشکنی خودنگری پیدا شد خبری رفت ز گردون ب...
Read more